പൂനിലാഛായയായ് പൂമലർവാടിയിൽ
പൂജാമലരുമായ് നീ..
പുഷ്പിത ഗാത്രിയായ് മുന്നിലെത്തീടുമ്പോൾ
പുളകിതനാകുന്നു ഞാൻ - രാധേ..
പുളകിതനാകുന്നു ഞാൻ
മധുരമനോഹരതരളമാമനുരാഗ..
യമുനയായ് മാറുന്നു ഞാൻ -രാധേ..
യമുനയായ് മാറുന്നു ഞാൻ..
(പൂനിലാ...)
നിന്റെപൂമേനിയിൽ നിത്യതാരുണ്യമായ്
പൂത്തുനിന്നീടുവാൻ മോഹം..
സ്നേഹാദ്രമാകുമീ വനിയിലതുല്യനായ്
പാറിപ്പറക്കുവാൻ മോഹം...
(പൂനിലാ..)
സ്വപ്നങ്ങളൊക്കെയും പൂവണിഞ്ഞീടുന്ന
സുന്ദരമീ..നവ്യയാമം...
സ്വർങ്ങളൊക്കെയും വാതിൽ തുറക്കുന്ന
സ്വർഗ്ഗീയമീ..ധന്യയാമം...
(പൂനിലാ..)
No comments:
Post a Comment